Stevie Wonder - Part Time Lover

Интернэтээр эмчилнэ

Хотоос хєдєє орон нутгийн иргэдийг алсын зайгаар эмчлэх боломж нээгдлээ. Єчигдєр "Алсын зайн оношлогооны тєв"-ийн салбар Тєв аймгийн Зуунмод суманд нээлтээ хийж, vйл ажиллагаагаа явуулж эхэллээ. Vvнийг сонирхохоор Шастины нэрэмжит гуравдугаар эмнэлэгийн Рентген оношлогооны тєвд очиход шинээр нээгдсэн эмнэлэгийн эмч нартай интернетээр шууд холбогдож байв. Тєв аймгийн Зуунмод суманд Эрvvл мэндийн сайд С.Ламбаа тэргvvтэй ажлын хэсгийнхэн хvрэлцэн ирж "Алсын зайн оношлогооны тєв"-ийн ажил байдалтай танилцсан юм. Сайд энэ ажлыг зохион байгуулж буй Шастины нэрэмжит гуравдугаар эмнэлэгийн хамт олонд талархаж байгаагаа илэрхийлээд цаашдынх нь ажилд амжилт хvссэн юм.

Гуравдугаар эмнэлэгийн эмч нар Зуунмод суманд эмчлэгдэж байгаа євчтєний биеийн байдалтай танилцаж, тvvнд оношлогоо єгсєн юм. Эмч нар интернетээр холбогдож ярихаас гадна е-майлээр оношийг нь бичиж явуулж байлаа. Энэ vеэр тус эмнэлэгийн тэргvvлэх зэргийн эмч, клиникийн профессор Ц.Нямаа тархиндаа харвалт єгсєн євчтєнг vзэж, оношилж, эмчлэгч эмч Б.Бямбажавт зєвлєгєє єгєв. Шастины нэрэмжит гуравдугаар эмнэлэгийн Оношлогооны тєвийн дарга, клиникийн профессор В.Лхагварагчаатай уулзаж дараах асуултад хариулт авсан юм.

-Алсын зайн оношлогооны тєвийн давуу тал нь юу вэ?
-Юун тvрvvнд энэ тєв хєдєє орон нутгийн хотоос алслагсан хvн амд анхан шатны тусламж vйлчилгээг vзvvлэх зорилготой юм. Єєрєєр хэлбэл монголд анх удаа интернет буюу онлайн эмчилгээ хийж байна гэсэн vг. Орон нутагтаа байж байгаад гэмтэл авсан хvнийг нааш цааш явуулж цаг алдахгvй, мєн хєдєлгєж болохгvй євчтєнийг шууд интернэтээр онош єгч, манай мэргэжлийн эмч нар эмчлэгч эмчид нь зєвлєгєє єгєх журмаар vйл ажиллагаагаа явуулж байна. Хамгийн чанартай vйлчилгээг ард тvмэндээ хvргэж байна даа.

-Шаардлагатай тохиолдол гарвал интернэтээр хагалгаа хийж болно гэсэн vг vv?
-Болно. Бид євчтєний тvvхтэй танилцаад эндээс эмчид нь зєвлєгєє єгч хагалгаа хийлгэж болно. Тухайн євчтєний зураг манай тєвд харагдаж байгаа болохоор эндээс зургаа уншаад оношилчихвол болохгvй юм байхгvй. Гэхдээ одоогийн байдлаар тийм тохиолдол хараахан гараагvй байгаа.

-Ийм оношлогооны тєв хэдэн аймаг, суманд байна вэ?
-Яг єнєєдрийн байдлаар Тєв аймгаас гадңа дєрвєн аймаг, нэг сумыг энэ тєвд нэгтгээд байна. Алсын зайн оношлогоонд хэрэглэж байгаа багаж хэрэгслvvдийг монголд "Мегма электроникс" компанийн захирал Б.Анхныбаяр оруулж ирдэг. Сингапур, Тайвань, Япон зэрэг орноос оруулж ирдэг учраас чанар сайтай. Мєн дан ганц хєдєє орон нутаг гэлтгvй хотын томоохон эмнэлгvvдтэй хамтарч ажиллаж, туршлага солилцож байна. Цаашдаа энэ тєвєє болдог бол монголын бvх л нутгийг хамарсан том тєв болгомоор байна. Гэвч хєрєнгє мєнгєний асуудал хvндхэн байгаа.

-"Алсын зайн оношлогооны тєв"-д бvх тєрлийн євчнийг оношилж болох уу?
-Ер нь бол болно. Одоогийн байдлаар зvрх, судас, мэдрэлийн vйл ажиллагааг оношилж байгаа.

-Єдєрт хэдэн хvн эмчлэх боломжтой вэ. Нэг vзлэг хийхэд хэдэн хvн оролцдог вэ. Нэлээн олуулаа харагдах юм?
-Тухайн єдрийн ирсэн захиалгаас шалтгаалан эмчээ бэлэн байлгах ёстой. Салбаруудаас тийм євчтэй хvн vзvvлнэ гэсэн захиалга єгєхєєр нь бид эндээ тэр євчнийх нь мэргэжлийн эмчийг бэлэн байлгаж, интернэтээр холбодог. Нэг удаагийн оношилгоог хийхэд зургаан инженер, дєрвєн эмч ажиллаж байна.

-Алсын зайн оношлогоог явуулахад хvндрэлтэй зvйл тохиолдож байна уу?
-Манай улс нийтээрээ интернет хэрэглэж чадахгvй байгаа шvv дээ. Интернэтэд тvшиглэж байгаа болохоор бvх газар хvрэх боломж муутай байгаа. Гэхдээ ямар ч байсан хамгийн тvрvvнд аймгийн тєвvvдэд тавъя гэсэн бодолтой байгаа.

Ж.ТАГТАА
Дугаар 70/070/

Мэдээллийн эх сурвалж: НИЙСЛЭЛ ТАЙМС

Нойргүйдлийг интернэтээр эмчилнэ

Орчин үеийн амьдралд асар хурдан хөгжиж байгаа нийгэмтэйгээ зохицох гэсэн хүмүүс депресс, стрест орж нойргүйтэх нь элбэг байдаг. Тиймээс ч нойр нь хүрэхгүй байгаа, нойргүйдэл хэмээх оношоор шаналж байгаа хүмүүс шөнө орой интернэт ашиглах нь их.

Судалгаанд оролцсон 45 хүний 22 нь нойр хүрэхгүй байгаа тохиолдолд интернэт ашигладгаа хүлээн зөвшөөрсөн байна. Энэхүү нойргүйдсэн хүмүүст зориулсан есөн долоо хоногийн интернэтэд суурилсан эмчилгээ бий болжээ. Ямар нэгэн хүний тусламжгүйгээр интернэтийн программ хангамж нь тэдгээр нойргүй хүмүүст зориулж зөвлөгөө өгдөг бөгөөд хүмүүсийн онцлогт тохируулан орондоо орох тусгай цагийг нь хэлж өгдөг гэнэ. Энэхүү интернэтийн программ хангамжийг ашигласнаараа хүмүүс өдрийн цагаар унтахаас зайлсхийж, ямар нэгэн түүх уншиж, таавар тааж, тоглоом тоглох зэргээр зөв унтаж амрах аргад суралцдаг байна. Энэхүү программ нь хувь хүнд хандсан маш эрчимтэй, хувийн шинжтэй бөгөөд “Uniүersity of үirginia Health System” их сургууль энэхүү программ хангамжийг зохиожээ. Программ хангамж нь “ Sleep Healthy Using the Internet, буюу SHUTi” гэсэн нэртэй бөгөөд интернэтийг ашиглан эрүүл тайван унтах хэмээх утгатай юм.

Мэдээллийн эх сурвалж: УЛААНБААТАР ТАЙМС

М.Жексонтой салах ёс гүйцэтгэх ёслолын үеэр интернэтэд хандагчдын тоо рекорд тогтоожээ

М.Жексоныг эргэн дурсах ёслолын ажиллагааг томоохон вэб сайтуудаар үзэгчдэд шууд хүргэсэн. Энэ үеэр интернэтэд хандагчдын тоо богино хугацаанд рекордыг тэргүүлсэн байна. Тухайн үйл явдлыг дэлхийн өнцөг булан бүрээс сая сая хүмүүс үзжээ.

Калифорни мужийн Лос Анжелос хотын төв дэх “Staples” төв дэх эргэн дурсах ёслолын ажиллагааны үеэр Глобал Веб хуудсанд хандах ачаалал хэвийн үеийн ачааллаас хамгийн багадаа 19 хувь, хамгийн ихдээ 33 хувиар давж байжээ.

СNN-ийн нэвтрүүлэгч Женнифер Мартины хэлснээр, мягмар гаригийн 12-17 цагийн хооронд буюу ердөө таван цаг болсон ёслолын ажиллагааг нийт 9,7 сая үзэгч шууд үзсэн нь CNN.com веб хуудсанд бүртгэгдсэн байна. Мэдээллийн веб хуудасны нэг өдөрт хандагчдын бүх цаг үеийн рекорд нь нэгдүгээр сард ерөнхийлөгч Обамагийн тангараг өргөх ёслолын ажиллагаа байсан юм. Гэвч бүхий л өдөржин интернэтэд хандсан хүний тоо нь 27 саяд хүрч байжээ.

Түүнчлэн мягмар гаригийн турш CNN.com веб хуудсыг 81 сая удаа үзсэн ба давхардаагүй тоогоор 11,8 сая зочин хандсан байна. Мөн нэгэн зэрэг 781 мянган үзэгч шууд үзэж байсан нь тухайн өдрийн оргил үзүүлэлт болжээ.

Зургадугаар сарын 25-ны Жексоны гэнэтийн үхэл нь тухайн веб хуудсыг хэд хэдэн веб хуудастай хамт өндөр ачаалалд орж, гацахад хүргэсэн байна. Гэсэн хэдий ч интернэт сүлжээ мягмар гаригийн эргэн дурсах ёслолын ажиллагааны үеэр хэвийн байжээ.

“Хэдийгээр Staples төв дэх ёслолын ажиллагааны үеэр бидэнд зарим удаашрал мэдрэгдэж байсан ч, ерөнхийдөө Интернэт сүлжээ сайн байлаа” гэж Сан Матеод байрладаг, үүрэн холбооны болон интернетийн хяналтын “Кистон Системс” фирмийн хэвлэлийн төлөөлөгч Дэн Биркович хэлсэн байна.

CNN.com веб хуудас олон нийтийн хувийн харилцааны веб хуудас болох Facebook-тэй хамтран, найз нөхөд болон гэр бүлийн гишүүдийн Жексоныг эргэн дурсах ёслолын ажиллагааг шууд үзэх явцдаа өөрийн сэтгэгдлээ хуваалцах боломж олгосон байна. Эргэн дурсах ёслолын ажиллагаа эхлэхийн өмнөхөн, 13.30 цагт Facebook-н гишүүдийн төлөв байдлын мэдээллээ өөрчилсөн 6000 өөрчлөлт минут тутамд бүртэгдлээ гэж Facebook-н хэвлэлийн төлөөлөгч мэдээлсэн байна.

Мэдээллийн эх сурвалж: http://news.gogo.mn
М.Жаргал

АУТСОРСИНГИЙН УУЛЗАЛТ

Япон улсын “Хитачи” компанийн төлөөлөгч Ёшитоми Сатоши, Монгол улсын “Нимон Системз” ХХК-ийн Ж.Лхагвасүрэн, “Фужи инфокс” компанийн Кондо Шүничи, МТҮП-ын С.Энхтуяа болон бусад төлөөлөгч нар оролцсон “Монгол оронд аутсорсингийг хөгжүүлэх нь” сэдэвт уулзалт 2009 оны 06 дугаар сарын 03-нд амжилттай зохион байгуулагдлаа. Энэхүү уулзалтын зорилго нь МТ-ын салбарт ажилладаг албан байгууллага болон хувь хүмүүст аутсорсингийн ажил хийх явцад тулгамддаг асуудлууд болон аутсорсингийн бусад орнуудад хэрхэн нэвтрүүлж байсан туршлагаас товчхон танилцуулсан илтгэлүүдийг хүрэлцэн ирсэн зочид тавьсан билээ. Энэхүү уулзалтад тавигдсан илтгэлүүдийг бид бүрэн эхээр нь тавьсан тул та бүхэн сонирхон үзнэ үү.

OutsourcingZovlonJargal,Fuji Infox Kondo Shunichi -presentation, Outsourcing Presentation 06.03

Мэдээллийн эх сурвалж: МТҮП

"Remembering Michael Jackson"-нээс болгоомжил

Сvvлийн vед хакеруудын довтолгоон интернэтийн орчинд ширvvсэх болжээ. Хэд хоногийн ємнє манай улсын тєрийн нэгдсэн сайт руу хакерууд довтолсон. Мєн интернэт хэрэглэгчид нэрт дуучин Майкл Жексоны нууц гэрэл зураг, дуу гэсэн гарчиг бvхий и-мэйл хvлээн авбал vvнийг нээхгvй байхыг компьютер хамгаалалтын "Sophos" фирм анхааруулсан байна. "sarah@michaeljackson.com" гэсэн хаягнаас "Remembering Michael Jackson" гэсэн гарчигтай и-мэйлийг бvv нээгээрэй гэж Sophos фирмийн Сингапур дахь Азийн салбар илгээсэн мэдэгдэлд дурджээ.

Энэ цахим захидалд нэрт дуучны нууц гэрэл зураг, дуу, нас барах vеийн гэрэл зураг зэргийг зиплэн хийсэн мэт харагдах ч vvнийг нээвэл таны комьпютерт вирус нэвтэрч орох аюултай аж. Хэрэв нэг комьюптер л энэ вирусээр халдварлавал бусад интернэт хэрэглэгчид вирусээ тараана гэдгийг тус компани сэрэмжлvvлжээ. Vvнээс гадна энэ вирус USB-ээр холбогдох "memory sticks"-ээр дамжин тархаж мэдэх аж.

Мэдээллийн эх сурвалж: Olloo.mn

"МЭДЭЭЛЛИЙН ТЕХНОЛОГИЙН ХҮНИЙ НӨӨЦИЙГ ХӨГЖҮҮЛЭХ НЬ" СИМПОЗИУМ БОЛОВ

МШХХТГ, МТҮП, Япон улсын Мэдээллийн технологийг дэмжих дэмжих агентлаг, болон Япон Монголын мэдээллийн технологийн холбоо хамтран “Мэдээллийн технологийн хүний нөөцийг хөгжүүлэх нь” симпозиумыг 6-р сарын 17-ны өдөр Чингис хаан зочид буудалд амжилттай зохион байгууллаа.

Симпозиумын зорилго нь МТ-ийн хүний нөөцийг хөгжүүлэх асуудалд салбарын төрийн болон төрийн бус байгууллагууд, МТ-ийн мэргэжилтэн бэлтгэдэг их, дээд сургууль, бизнес эрхлэгчдийн анхаарлыг хандуулан, үр бүтээлтэй хамтран ажиллах боломжийн талаар хэлэлцэн, санал бодлоо хуваалцахад оршино.

Симпозиумд УИХ-ын гишүүн З.Энхболд, Япон улсын Мэдээллийн технологийг дэмжих агентлагийн МТ-ийн хүний нөөцийн төлөвлөлтийн хэлтсийн орлогч дарга Тошинари Мияазава болон албаны хүмүүс оролцож Монгол улсад МТ-ийн мэргэжилтэнүүдийн мэдлэг, ур чадварыг олон улсын жишигт хүргэх, чадваржуулахад МТ-ийн инженерийн шалгалтыг хөгжүүлэх хэрэгцээ шаардлага, МТ-ийн аутсорсингийг хөгжүүлэх боломж, цаашдын төлөв зэрэг сэдвүүдээр илтгэл тавив.

Симпозиумын үеэр 2009 оны хаврын Мэдээллийн технологийн инженерийн суурь шалгалтанд тэнцэгчдэд батламж гардуулав.

2009 оны хаврын МТИСШ-д тэнцэгчид батламж гардаад байгаа нь:
А.Алтаргэрэл - ШУТИС МХТС, МТХСТ-ийн захирал
Ц.Өнөржаргал - МУИС МКС, програм хангамжийн 4-р курс, оюутан



Я.Мөнх-Эрдэнэ - МУИС, МТС, 4-р курс, оюутан

МТ-ийн мэргэжлийн сургалтын хөтөлбөрт МТ-ийн инженерийн ур чадварын стандартыг уялдуулах нь, МТ-ийн консорциумын тэргүүн Ч.Лодойравсал ( FE_CONSORTIUM.PPTX- )

IPA_fordistribution japan - Монголын МТ-ийн үйлдвэрлэлд Японы зүгээс тавьж буй хүлээлт, бизнесийн боломжийг нэмэгдүүлэх нь Япон улсын Мэдээллийн технологийг дэмжих агентлаuuгийн МТ-ийн хүний нөөцийн төлөвлөлтийн хэлтсийн орлогч дарга Тошинари Мияазава

ITEE_NITP.PPT - МТ-ийн хүний нөөцийг хөгжүүлэхэд МТҮП-ын оруулж буй хувь нэмэр /МТИШ/ МТҮП-ын ерөнхий захирал Ё.Сүхбаатар

SOFTWARELNDUSTRYLN Mongolia 2009.ppt - Монголын МТ-ийн үйлдвэрлэлийн хөгжил, МТИШ-ын хувь нэмэр МПХҮХ-ны дэд ерөнхийлөгч, Япон Монголын МТ-ийн холбооны тэргүүн Ц.Буянцогтоо

Их дээд сургуулиудад ашиглагдаж байгаа компьютерийн 50 хувь нь хуучирсан

-Шалгагдсан төрийн бус өмчийн 25 сургуулийн 18 нь буюу 72 хувь нь оюутны дотуур байргүй байжээ-

МХЕГ-аас дээд боловсролын сургалтын байгууллагуудын оюутанд үзүүлж байгаа үндсэн үйлчилгээний чанар, хүртээмжийн байдлыг шалгажээ.

Шалгалтанд Боловсролын их сургууль, Хүмүүнлэгийн ухааны их сургууль, “Отгонтэнгэр”, “Орхон” их сургууль, нийслэл дүүргүүдэд үйл ажиллагаа явуулж байгаа 23 дээд сургууль, коллеж, нийт 27 дээд боловсролын сургалтын байгууллага хамрагдсан байна. Түүнчлэн шалгагдсан 27 дээд боловсролын сургалтын байгууллагын 2368 оюутнаас сэтгэл ханамжийн санал асуулгын судалгаа авчээ.

Нийт 154 лаборатори, кабинет шалгагдсанаас 62 нь буюу 40,2 хувь нь шаардлагын түвшинд тоног төхөөрөмжөөр тоноглогдоогүй, техник хэрэгсэл, сургалтын хэрэглэгдэхүүнээр хангагдаагүй байна. “Хантайшир”, “Үндэсний гэрэл” коллежиуд лабораторигүй, Боловсролын их сургуулийн хими, биологийн, ургамал судлал, газарзүйн лабораториудын тоног төхөөрөмж хуучирсан, химийн бодис хадгалах шкаф байхгүй, багаж хэрэгсэл дутмаг, “Аварга”, “Монгол”, Бизнесийн дээд сургууль, Монголын үндэсний дээд сургуулийн лабораториудын тоног төхөөрөмж, техник хэрэгслийн хангамж шаардлага хангахгүй байсан нь тогтоогджээ.

Шалгагдсан 27 дээд сургууль сургууль, коллежиудын номын сангуудын 40 хувь нь үйлчилгээ, техник хэрэгслэлийн хангамж шаардлагын түвшинд хүрэхгүй байна.

Мөн суралцагчдын тоотой харьцуулахад компьютерын тоо дутмаг, төрийн бус өмчийн дээд сургууль, коллежиудын сургалтанд ашиглаж байгаа компьютерын 50 хувь нь хуучирсан, хүчин чадал муу, интернетийн үйлчилгээ авах боломж хязгаарлагдмал байсан нь тогтоогджээ.

Шалгагдсан төрийн бус өмчийн 25 сургуулийн 18 нь буюу 72 хувь нь оюутны дотуур байргүй, дотуур байраар хангах үйлчилгээг үзүүлдэггүй, байртай сургуулиудын дотуур байр нь шаардлагын түвшинд хүрэхгүй байжээ.

Шалгалтанд хамрагдсан дийлэнх сургуулиудын оюутан дадлага хийх, хөдөлмөр эрхлэхэд туслах, дэмжлэг үзүүлэх талаар зохион байгуулж байгаа ажил шаардлагын түвшинд хүрэхгүй байна.

Боловсролын их сургууль, “Хүмүүнлэгийн ухааны их сургууль”, “Орхон” их сургуулийн дотуур байрнуудын өрөөнүүдийн 35 хувьд нь нэг өрөөнд 5 оюутан суудаг, нэг оюутанд ногдох талбайн хэмжээ бага, ор, сандал ширээ хуучирсан, зориулалтын угаалга, хатаалгын өрөө байхгүй, БоИС-ийн хичээлийн зарим байр, дотуур байрны ариун цэврийн өрөө, суудлын тоо нь суралцагсдын тоонд харьцуулахад нормативт заасан шаардлагыг хангахгүй байжээ. “Аварга”, “Монгол”, Бизнесийн дээд сургууль, Соёлын дээд сургуулиудын оюутны дотуур байрууд нь эрүүл ахуйн шаардлагыг хангахгүй байна. “Хантайшир” коллежийн хичээлийн байрны хажууд согтууруулах ундаагаар үйлчилдэг үйлчилгээний байгууллага үйл ажиллагаа явуулж, сургуулийн гадна үүдэнд зар сурталчилгааны самбар байрлуулсан, “Үндэстний гэрэл” коллежийн анги танхим сургалтын үйл ажиллагаа явуулахад тохиромжгүй, хэт жижиг зэрэг илэрчээ.

Шалгалтын явцад нийт 120 зөрчил дутагдлыг илрүүлж, 42 зөрчил, дутагдал буюу 35 хувийг газар дээр нь арилгуулсан байна.

Сургалтын байгууллагад тавигдах шаардлагыг зөрчсөн “Монгол”, “Аварга”, “Монгол фермер”, “Улаанбаатар эрдэм судлал”, Бизнесийн дээд сургуулийн удирдах албан тушаалтнуудыг тус бүр 60 мянган төгрөгөөр торгосон байна.

Мэдээллийн эх сурвалж: http://news.gogo.mn
М.Жаргал

Бизнесийн алтан дvрмvvд

1. Удирдагч хvн АЛДААГАА УУЧЛАХ ЭРХГVЙ ...

АНУ-ын "Женерал моторс"-ын зарчим

2. Hard work is Worth more than gold. Шаргуу хєдєлмєр алтнаас ч vнэтэй,
"Эрэл" компанийн уриа

3. Удирдана гэдэг: эцсийн эцэст хvмvvсийн идэвхийг єрнvvлэхэд л оршино.
Америкийн нэрт менежер Ли Якокка

4. Хvмvvс таслах, хазах зvйлийг дэмий л зажилах юм: жирийн нэг удирдагч ажиллахыг хvсээгvй хvмvvстэй зууралдахаа л эн тэргvvнд бодох юм.
Атерикийн нэрт менежер Ли Якокка

5. Ямар ч эрсдэлгvй зvйл гэж vгvй: "За яахав, цагийн дараа эхэлье" гэж хэлж чадах хvн л бодит нєхцєлд хэрэгтэй байна.
Америкийн нэрт менежер Ли Якокка

6. Чанар - эхний зорилт! Ашиг єєрєє ирдэг.
Японы менежментийн зарчим

7. Таны тvншид компаний чинь талаархи сэтгэгдэл ЭХНИЙ УТАС ЦОХИХ VЕД Л ТЄРНЄ.

8. ХVНИЙГ НЭГДVГЭЭРТ ТАВЬСАН VЕД та ямар ч цагт: бvр мєнгєє хуваахдаа ч алдахгvй.
"Маркс энд Спенсер"-г vндэслэгч Майкл Маркс

9. Бага ярьж, оновчтой зарцуулж ихийг бvтээ
"Женко" компаний уриа

10. Чи санамсаргvй алдвал.., чамайг уучилна. Хэрвээ КОМПАНИЙН ЁС ЗVЙГ ЭВДСЭН ЗЄРЧИЛ ГАРГАВАЛ ЧАМД ЄРШЄЄЛ VГVЙ.
Японы "Мацусита Дэнки" компанийн боловсон хvчин бэлтгэх vндсэн зарчим

11. Хэрэв хэн нэгэн бvтэлгvйтээд байвал тэр ажлаа арай л бага хийгээд байна... гэсэн vг
"SONY" фирмийн захиргааны албаны дарга Акино Морита

12. Хєдєл! Даруй хєдєл!
Атерикийн компаниудын уриа

13. Америкийн IBM (Ай Би Эм) корпорацийн ИТГЭЛИЙН ГУРВАН БАГАНА:
1. Хувь хvнийг хvндэтгэх
2. Тvншдээ анхаарал тавих
3. Ажлын єндєр чанар

14. УДИРДЛАГЫН МЄРДЄХ 10 НОМЛОЛ:
1. Vнэнч шударга байх
2. Ёс зvйг эрхэмлэх
3. Хувь хvнийг хvндлэх
4. Хамт олны ажилд чадварлаг байх
5. Судалгаанд сvслэдэг байх
6. Шинийг санаачлах
7. Ажлын чанарт анхаарах
8. Зохицох чадвартай байх
9. Иргэний мэдрэмжтэй байх
10. Vр ашигтай байх
АНУ-ын "УЭЛКОМБЕРРОУЗ" компаний удирдлагадаа мєрдєх зарчим

15. Хэрэв ажилчид бахархаж болохоор 10 машин vйлдвэрлэсэм бол чанаргvй 100 машин гаргаснаас ч илvv єєрсдийгєє хvндлэх болно.
АНУ-ын Фримонтийн автомашины vйлдвэрийн захирал Глувис

16. Vйлдвэр гэдэг: боловсон хvчин.
Японы автомашины "НИССАН" фирмийн уриа

17. АЖИЛЧДАА УДИРДАНА ГЭДЭГ НЬ: ЄЄРИЙГЄЄ УДИРДАНА ГЭСЭН VГ. Хvмvvсийн дунд алдаж болохгvй.
Японы албаны хYрээнийхний уриа

18. Хамгийн гол нь удирдах бус хєдєлмєрлєх нєхцєл л хvмvvсийг ажиллахаас єєр аргагvйд хvргэдэг байх ёстой.
Японы менежер Войти Хасимото

19. Захирагдах уу? Эсвэл халагдах уу?
Удирдлагын зарчим

20. Миний vг - Миний vvрэг
Лондонгийн Биржийн уриа

21. Хэцvv ажлыг биелvvлэхийн тулд хоёр хvнийг єдєєж єгєх хэрэгтэй. Энэ нь их мєнгє олох нэг зорилгын тєлєє хоёулаа гэдэгт бус: ердєє л єєрийнхєє давуу талыг харуулах боломж байгаад л гол нь байгаа юм.
Америкийн алдарт менежер Чарльз Швеб

22. Ажил гэдэг автомашин л гэсэн vг. Уулын уруу єєрєє л єнхєрчихнє.
Америкийн менежментийн зарчим

23. Хvн алдаж болно. Харин манай фирм алдах эрхгvй.
Америкийн менежментийн зарчим

24. Хэрэв та намайг зєвшєєрєхгvй байгаа бол миний vгийг сонсоогvй гэсэн vг.
Менежментийн зарчим

25. Та асуудлыг шийдэж буй эсэх нь бус, харин хариуцлагыг хэнд оногдуулж байна вэ? гэдэг нь чухал.
Менежментийн зарчим

26. Удирдана гэдэг бол: бусдыг ажиллуулж сургах урлаг.
Менежментийн зарчим

27. Хvмvvс бие биенээ сайн сонсдог байсан бол: тун бага ярьдаг байхсан.
Менежментийн зарчим

28. Итгэ... тэгээд шалга.
Менежтентийн зарчим

Эх сурвалж: Амьдралын алтан ном-1

ITPEC-ИЙН ЭЭЛЖИТ УУЛЗАЛТ АМЖИЛТТАЙ ЯВАГДАВ

МТҮП, Япон улсын Мэдээллийн технологийг дэмжих агентлаг хамтран Азийн орнуудын Мэдээллийн технологийн мэргэжилтэнүүдийн шалгалтын зөвлөл (ITPEC)-ийн 7-р уулзалтыг 2009 оны 6-р сарын 17-18-ны өдрүүдэд Улаанбаатар хотноо амжилттай зохион байгууллаа. Уулзалтад ITPEC-ийн гишүүн орнууд болох Япон, Малайз, Мянъмар, Тайланд, Филлиппин, Вьетнам, Монгол улсуудын нийт 20 төлөөлөгч оролцов.

Мэдээллийн эх сурвалж: МТҮП